'Razzia' da Policía española contra bandeiras nacionalistas galegas en Balaídos no Celta-Athletic

<header class="span-16 last"> 'Razzia' da Policía española contra bandeiras nacionalistas galegas en Balaídos no Celta-Athletic

</header> Seareir@s do equipo celeste denuncian a actuación da policía española no encontro de Copa contra o Athletic de Bilbao, requisando estreleiras e mesmo camisolas de peñas do equipo vasco. Afirman que “non é unha novidade” que as forzas de seguridade queiran estragar “a festa entre célticos e athletictzales”.






Chuzar
Difundir

X.M.P <time title="12-12-2013" class="publish-date timeago" datetime="2013-12-12 19:01:23">hai cerca de 4 horas</time>
<figure> </figure> <figcaption class="media-subtitle"> </figcaption>
Máis unha vez, un partido entre Celta e Athletic de Bilbao en Balaídos deriva nunha actuación “desproporcionada” da policía española. Así o denuncian seareir@s da armada celeste, que afirman que nesta fin de semana pasada, e co gallo do enfrontamento entre os equipos galego e basco pola Copa do Rei, as forzas de seguridade procederon o “secuestro” de bandeiras nacionalistas galegas. Afeccionad@s célcic@s recoñeceron a Sermos Galiza que “os prolegómenos do encontro de Copa estiveron marcados polo inxustificado secuestro de bandeiras galegas na porta de acceso a unha das bancadas, alegando motivos tan absurdos como que eran anticonstitucionais, ou que non podían introducirse símbolos políticos que puideran provocar altercados no estadio”.
Estes seareiros, da peña Celtarras, denuncian que “foron moitas as bandeiras do noso país que se requisaron, así como as da Plataforma Que volten a casa. Todo aquel siareiro que portara unha bandeira, era inmediatamente parado por antidisturbios, que decidían cal podía pasar e cal non. No colmo do despropósito, a un rapaz tamén lle impediron entrar con dúas camisetas que levaba na man; unha delas era dunha peña do Athletic coa lenda Antiultra, e a outra, coa lenda Antifa Hooligans xunto aos escudos de Athletic e Celta. Todo aquel que protestaba ou preguntaba a qué se debían eses feitos, era identificado inmediatamente polos axentes, sempre baixo un ton chulesco e provocador”.
Rachar a festa eusko-galega
Este sector da afección lembran que esta non é a primeira ocasión na que a Policía española “tenta rachar” a festa entre as afeccións galegas e bascas. Poñen como exemplo a atitude provocadora,cualifican, dos antidisturbios na contorna de Balaídos cando hai un encontro de fútbol entre estas equipas irmáns.
E lmbran: “O pasado ano, sen ir máis lonxe, e nun inmellorable ambiente festivo varios siareiros locais foron sancionados con 3000 euros de multa e varios meses de prohibición para entrar a un recinto deportivo por mor dunha suposta oleada turística de campo que ninguén víu porque nunca chegou a producirse máis que no imaxinario da Comisión Antiviolencia. Era a súa resposta á presencia dunha pancarta na bancada de Preferencia Lateral pedindo xustiza para Íñigo Cabacas, o hincha bilbaíno asasinado á saída dun encontro en San Mamés tras recibir o violento impacto dunha pelota de goma, e que foi recibida cunha forte ovación por parte da parroquia visitante”.
Unha constante cando van polos estadios españois
Sempre segundo este relato dos afeccionados á equipa celeste, “non é a primeira ocasión en que os siareiros do Celta, así como dalgún outro equipo galego, ven como lles quitan as súas bandeiras galegas á entrada nun campo de fútbol” nos desprazamentos polo Estado español.
Lembran, así, o episodio na final de copa disputada en Sevilla entre Celta e Zaragoza, onde “tamén se contaran por decenas as bandeiras galegas requisadas e tiradas ao lixo, co argumento de que diante do Rei de España non podían exhibirse eses símbolos, ademais dun cubregradas cedido para a ocasión por unha formación política do país”.
Mais a novidade, apuntan é que todos eses precedentes sempre tiveran lugar fóra de Galiza, “sendo a primeira vez que se arrebatan bandeiras galegas dun modo tan masivo xogando o Celta en Balaídos

En cualquier país serio, la gente no va en masa a sacar banderas terruñales no oficiales para un partido de clubes.

Lo siento, pero ahora no os podemos atender.
Cuando se acabe lo de Cataluña ya nos ponemos una tarde a ello

No entiendo, dos equipos independentistas jugando en una competición organizada por la Real Federación Española de Fútbol, jajajajajajajaja. ¿qué pasa, dan bocadillo?

Y encima van los de BNG y dicen que lo de repetir la Liga GalEusCat que ni hablar, que les joroben...